Түбән Кама медицина көллиятендә бөек шагыйрь Габдулла Тукайның иң яхшы әсәрләрен искә төшерделәр

2018 елның 18 апреле, чәршәмбе

Бүген Түбән Кама медицина көллиятендә бөек татар шагыйре Габдулла Тукайның туган көненнән 132-еллыгына багышланган «Тукай шигырьләрен укыйк – Читаем стихи Тукая» дигән чара узды. Истәлекле дата хөрмәтенә көллияттә шагыйрнең әкиятләреннән танылган геройлар белән:  Шүрәле, Былтыр, Су анасы, Кәҗә белән Сарык, Бала  – театр тамашасын хәзерге заман уңае белән оештырдылар. Көллият студентлары татар классигы әсәрләре интерпретациясендә ике телдә иҗади караш һәм артистлык күрсәттеләр.