Балалар Республика клиник хастаханәсенең табиблары калкансыман бизне дәвалауда аз инвазив методикаларны үзләштерде
Статистика мәгълүматларына караганда, балалар арасында калкансыман биз проблемалары булган пациентлар саны арта. Калкансыман бизнең еш очрый торган авыруларының берсе-биздәге төеннәр барлыкка килү. Яман шешнең төеннәренә кагылмавына инану өчен калкансыман бизнең пункцион биопсиясе УЗИ контроле астында башкарыла.
Узган ел БРКХнең беренче хирургия бүлеге мөдире Ринат Яфясов һәм БРКХнең табиб-балалар хирургы Сергей Шалимов Мәскәүдә «Эндокринологиянең милли медицина тикшеренү үзәге» ФДБУ базасында «эндокрин хирургиянең заманча аспектлары» буенча стажировка уздылар.
Алган белемнәр һәм күнекмәләр Республика балалар клиник хастаханәсе базасында әлеге юнәлеш буенча куллану мөмкинлеген бирә.
Бу процедура азинвазив һәм авыртуны баса торган препаратлардан башка үткәрелә. Тукымаларның үрнәкләрен алганда табиб-хирург ультратавыш ярдәмендә энәләр хәрәкәтен экранда контрольдә тота.
Бу процедура 90% очракта пациентка төгәл диагноз кую мөмкинлеген бирә.