Атна эчендә Казанның ашыгыч ярдәм хезмәте 8 меңнән артык чакыру үтәде

2017 елның 6 мартыннан башлап 12 мартына кадәр Казанның Ашыгыч медицина ярдәме станциясенә 8038 чакыру керде.  Җәмәгать урыннарына 979 чакыру керде. Чакыруларның иң зур саны – 6457– төрле авыруларга, шул санда 163 инсультка һәм 33 инфаркта туры килде. Бала табуларга ашыгыч медицина табиблары 109 тапкыр чыктылар.

Бәхетсезлек очракларына ашыгыч ярдәм 868 тапкыр, шул санда ЮТҺ урыннарына 37 тапкыр чыкты. Шул ЮТҺдә 41 кеше зыян күрде. 23 кеше дәвалау оешмаларына китерелде. ЮТҺ нәтиҗәсендә 2 кеше вафат булды.

 Янгыннарга узган атнада ашыгыч ярдәм медиклары 14 тапкыр чыкты.

Узган атна белән чагыштырганда чакырулар саны 454гә кимеде (авырулар һәм бәхетсез очраклары исәбенә).  Чакырулар саны янгыннар буенча –  2гә, көчле миокард инфарктлары буенча – 5кә, баш мие кан әйләнешенең көчле бозылулары буенча – 33кә кимеде.  Чакырулар саны бала табулар буенча – 5кә артты. ЮТҺ буенча чакырулар саны үзгәрмәде. Җәмәгать урыннарына чакырулар саны 118гә кимеде. 

Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.